MAIN PAGE <--- ПОЧАТНИ БОК

Nadjija_pod_cudzim_njebom.gif

Свoїм РУСНАЦOМ,
шицким пo цалим швeцe


з м и с т


Руснаку, знай

I. Твойо царство, Руснаку II. Одход Твоїх пра-, пра-, прадїдох III. Вше ши бул, Руснаку IV. Знал ши, люби мой Руснаку V. Твой приход до Бачки, Руснаку
VI. Одгуковали вироєни думки VII. Сто роки, мой Руснаку VIII. Гладни роки, повинь и колери IX. Мал ши дом свой X. Рок тисячу осемсто дзешати
XI. Роя ше рої у Бачванским блаце XII. Роки 1858-1876-ти XIII. Роки дзевецстоти XIV. Роки спокуси и вешеля XV. Три виселєнїцки габи
XVI. Смутни штири роки XVII. Роки дзевецстоти, школа державна XVIII. Роки трицети - штерацети XIX. Роки штерацецперши - штерацецпияти XX. Роки пейдзешати - шейдзешати
XXI. Роки шейдзешати - седемдзешати XXII. Роки седемдзешати - осемдзешати XXIII. Роки осемдзешати - дзеведзешати XXIV. Роки дзеведзешати - дзеведзешатпияти XXV. Двасто пейдзешат роки прешли

 

На насловним боку Юлиян Колєсар: Селїдба Руснацох.
За Интeрнeт пририхтал: Славoмир Oлєяр

Друкoванє тeй кнїжки матeриялнo пoмoгли
Любoслав Eдeлински, камeньoрeзач
зoз Рускoгo Кeрeстура
и Фeдoр Кoлєсар, адвoкат з Нoвoгo Саду.



Nadjija_pod_cudzim_njebom.gif

РEЦEНЗEНTИ
ИРИНА ГАРДИ-КOВАЧEВИИЧ
МИРOН КOЛOШНЯЇ

ЗА ВИДАВАTEЛЯ
ДР ИШTВАН УДВАРИ

ЛEКTOР
ДЮРА ЛАTЯК


КOРEКTOР
ЖИРOШ ДР ЙOББАДЬ МАРИЯ

КOМПЮTEРСКИ OБРOБOК
и дизайн рамикoх

МИРOН ЖИРOШ


ВИДАВАTEЛЬ
ВИСША ПEДАҐOҐИЙНА ШКOЛА "ДЄРДЬ БEШEНЄИ"
КАTEДРА УКРАЇНСКEЙ И РУСКEЙ ФИЛOЛOҐИЇ

ISBN 963 7170 92 8


ПEРШE СЛOВO

Истoричар и дeмooґраф Мирoн Жирoш шe уж вeцeй дзeшeцрoча занїма з виглєдoваньoм и прeзeнтoваньoм явнoсии истoриї свoйoгo нарoда - Бачванскo-сримских Руснацoх. У вeлїх квалитeтних и фахoвих статьoх и студийoх анализoвал истoрийну дeмoґрафию и сeкундарну миґрацию Бачванских Руснаацoх дo Сриму, Славooниї, дo eврoпских и амeрицких жeмoх и дo Австралиї.


У тeй кнїжки у умeтнїцким oблєчивe, у стихoх прeдставя читачoм найважнєйши мoмeнти з прeшлoсци Бачванских Руснацoх, алє и ту чeжискo на истoриї двoх найстарших насeлєньoх у Бачкeй - на Руским Кeрeстурe и Кoцурe.


Пoeма-хрoнїка oриґинални умeтнїцки дoкумeнт, хтoрии дава правдиву и ниянсoвану слику o чeжкeйй судьби Бачванских Руснацoх. Вoна пoдпoмага здoбуванє тoчнєйшeй слики o Стрeднєй Eврoпи и людзoх и нарoдoх Стрeднєй Eврoпи.


У Нїрeдьгази 15. 05. 1997. рoку     Др Иштван Удвари,   унивeрзитeтски прoфeсoр


 


РУСНАКУ, ЗНАЙ!                                           НА ЗМИСT / GO TO CONTENT


РУСНАКУ КEРEСTУРСКИ И КOЦУРСКИ,
РУСНАКУ БАЧВАНСКИ,
РУСНАКУ СРИМСКИ И СЛАВОНСКИ,
РУСНАКУ АМЕРИЦКИ И КАНАДСКИ,
АРГЕНТИНСКИ, НЄМЕЦКИ И
АВСТРАЛИЯНСКИ,
ЗНАЙ,
ЖЕ КНЯЗОВE И ПАНОВЕ ТВОЙО,
СВОЙО КНЯЗОВСТВА И ПАНЬСТВА
3 КНЯЗОВСКУ И КРАЛЬОВСКУ
ВЛАСЦУ ЧУВАЛИ...



ВЕЦ ЙХ 303 СВАТАМИ,
ШОВГРАМИ И БАЧИКАМИ
ЗА ДРОБНИ ҐРАЙЦАР
ПРЕГРАЛИ.


ОСТАЛ ШИ И ПОСТАЛ
РУСНАКУ-РАБ!
ПОДАНЇК ЦУДЗНХ ПАНЬСТВОХ
И ЦАРСТВОХ-
ЦУДЗИХ КРАЛЬОХ И ЦАРОХ!
 


I                                                                    НА ЗМИСT / GO TO CONTENT

Твойо царство - Руснаку,
                                                    
настало з руїнох
Києвскей Руси.
Воскреса з Романом Мстиславичом
Квитнє у чаше Данила Романовича,
Вираста з Лєвом I Даниловичом
И гаши ше з Юрийом II Бореславом.



Твойо Галицке и вец
Галицко-Волиньске князовство,
Я к Твоя РУСКА ДЕРЖАВА
жиє виками.

Владаре ше вше боря
зоз сушеднима кралями
и своїма поданїками
боярами!

Зрадзую царство
власни панове - бояре.
Трую Юрия Бореслава!

Почина однїманка и
дзелїдба рускей жеми
медзи Литву, Польску и Мадярску,
Австрию и Русню.
Твоя жем -Руснаку,
од року 1340-го,
нїгда вецей, Твоя,
и своя,
РУСКА, не будзе!

Воюю сушеди меди собу
и котри надвлада,
зарабеним, однятим жемом
нови мена дава:
Руске войводство,
Червена Рус,
Кральовина Галиция
и Лодомерия.

Шицки Твойо,
нови панове, Руснаку,
мено ци однїмали,
а власне свойо накладали!

Знай Руснаку,
же ши остал
и постал - раб виками!

Поданїк, але нє и вирнїк,
цудзих панствох и царствох,
цудзих кральох и царох!
Внрни ши остал лєм
церкви своєй, православней,
церкви своєй,
цо руска, грекокатолїцка,
по нешка остала,
гоч трокриж, Твой криж,
на плєцу рани
и оцом Твоїм
и праоцом,
и праоцовим оцом,
вше правел.

Твой трокриж - трорамени,
виками,
души Твоєй, Руснаку,
рани и лїчел.
Вон Ци и надїю давал.
Другн Ци ю
лєм брали, брали
и брали.

Твойо царство, Руснаку,
од року гевтого - 1340-го
нїгда вецей нє ожило!

Заспало до вичного сна
У сну ше лєм зривало,
а кед ше обудзело
нє знало,
чи у сну, чи у яви
преквитло,
и нє знало,
чи справди и квитло
у подоби Дожия, Ференца II Ракоция
и Богдана Хмельнїцкого!?

Може то була
лем власна спреводзка,
пре боль у глави и пиянство
по трезбим мулатованю,
кед крев Твоя,
и Твоїх дїдох,
и дїдoвих дїдoх
и пре "власне щесце"
одцекала...

Панство Польске,
Панство Австрийске,
Панство Мадярске и
Панство Русийске
вше мервеїну понукало,
вше Це од Твоєй власносци,
одрекало и кламало
и ярмо духовне, рабске
накладало!

Знай, Руснаку, Керестурски и Коцурски
Шайкашски,
Бачвански, Сримски
и Славонски
же Твойо дїдове
и прадїдове
лем єдно оружиє мали
з крижамн трораменима
и образами
драгом на юг
одхадзали!

Їх одход, кирвави постал
нє пре геройство хвали достойне
нє пре рускосц тварду,
и виру руску, руснацку,
алє и пре правду жемну
цо ю од цудзих панох
вимагали!!!



II                                                          
НА ЗМИСT / GO TO CONTENT


Одход Твоїх пра-, пра-, прадїдох,                    
                   
з горох Карпатох
та и поза нїх, Руснаку,
тирвал виками
и виками.
Одход их болєл,
болєл родительски
и родзински,
бо їх одходзенє,
уж сторочями було
нєповратне.
Було одходзене
без врацаня!

Гледало ше...
Блукало...

Вше далєй и далєй,
глєдал ше край,
поднєбє и слунко,
без рабства!

Вше новши и новши край,
пре грожаце крипатство
у новим краю,
пре рабство цела и души.

И одходзело вше южнєйше,
крочай по крочай,
з власнима талїґами,
запрагнутима волами,
з ошедланима конями.
Пре щесце у новим краю,
а нашол худобство и у нїм,
и трапезу,
и гладни роки,
и воду цо ше полями
як рика гарнє,
и сушу, цо живот знїчтожовала,
и болї,
и болї и цела и души,
и длуства
и длуства до ґуши!

Врацаня нє було,
нє було з чим, прецо
и нач...
Долу, южнєйше,
нїжей ше одходзело,
пре надїю,
надїю под цудзим нєбом!
И цудзе нєбо, Твойо, Руснаку,
постало,
бо ши му верел,
верел и верел...

Вериц ши знал, Руснаку,
и прето ши:
и у лєсох,
и на пасовискох,
и на орачих польох
и у мутлянки
знал обстац,
владац и надвладац!

Менял ши панох и паньства,
а вше сцекал од крипацтва!
Шлєбода Твойого духа, Руснаку,
гоч притульна панством,
нїгда ше рабски
паном не повиновала.

Знай, мой Руснаку,
Бачвански, Сримски и Славонски,
же дух Твоїх пра-, пра-, прадїдох
з корунох виковних дубох карпатских
моц черпал,
же лєт орлох - му гордосц давал,
а жимске прасканє дубох и соснох
му шерцо моцнєло!

Ту, у Панонским котлє,
у мишанїни, а сам,
медзи цудзинцами,
и дух,
и гордосц,
и шерцо
ши чувал виками.

Вирске рабство и уста гладни
при польских панох
одгнали Це з дому власного,
пра-, пра-, праоцовского.
Три пальци не сцел ши заменїц
за длань!

За Тебе, наш давен давни Русину,
менянє здабало на чаварґоване!
Прето ши дзечнєйше
свойо древени церкви и образи
селєл зоз собу.
Складал ши их
з древох, клїнкох н дещичкох
з векшу любову
як Поляци костели муровани.

Отворену длань
щиро ши давал своїм
другим славянским братом,
алє ши ю себе на чоло
нїзач не кладол!

Панства и панове:
Уйгелї,
Розґони,
Ракоцийовци,
Мартонї,
Сирманци,
и велї други,
цо ши их служел,
бо так и Всевишнї сцел,
служел ши потамаль,
док дух Твой знємирени,
мал мира и злагоди
род свой отримац.

Кед панство прицисло
орли пирхли з кридлами,
зашкрипалн талїги,
а часци Твоїх населеньох
Закарпатских,
Карпатских,
Прикарпатсих,
а Польски,
Молдавски,
Литвански,
Русийски,
Мадярски,
ошвнтли празни и пусти,

Оставали пусти пустари,
а вибеженци н виселєнци
з новима менами
насельовали други пустари
и робели за себе
и за нових панох.


III
                                                                 
НА ЗМИСT / GO TO CONTENT


Вше ши бул, Руснаку,                                                           
Бачвански, Сримски и
Славонски,
на бокох правди,
на бокох угнобених,
бо ши и сам,
на свосй жеми,
з цудзима панами,
князами и кралями,
шмеце и смердюх бул,
холоп и хлоп нїчомни.

Згуснути болї,
терхи н глад,
кед Дожия дзвигли
процив панох,
и Ти ше
шлєбодарского духа
шлебодолюбовей гордосци
и храброго шерца
лапел шекери и коси,
як оружия и гинул.


Боґданови ши верел,
и вон Ци верел.
Його веренє знєверели,
знсверени остал и Ти!

Кельо ши лєм надїї укладал
кельо ши ше шицкого одрекал
кельо креви прелял...

Шицко було даремно.
Ференца Другого Ракоция
вибрал ши за свойого вожда
и меновал го при Хусту.
Войовал ши з нїм,
по свосй жеми,
нє першираз по тристопейдзешат рокох,
боряци ше,
вєдно з мадярскима селянами,
и за свойо природни права.

Знова Ти, Руснаку,
за свою вирносц,
повстанїцку и куруцку
найдрагше заплацел.

Австрияки,
Твойо доми н поля палєли.
Живих на копиї здзивали!
Жем и доми Твойо до руїнох
и погоренїскох претворйовали.

Осем роки ши войовал
же би ци на концу,
доми були знїчтожени,
поля попалєни,
церкви розваляни.

Розпяти ши стал
на крижней драги.
3 думку:
Чи з пушку до лєса?
Чи драгом на юг?
И ришел ши:
И з пушку до лєса
и драгом на юг!
Требало и дома рахунки звесц,
и южнєйше од пекла
нови живот жиц!

Ожили грунки Карпатски,
Мадярске погоре
Ердельски леси.
Нашол ше Русин
и у Абаую и Саболчу,
Боршоду и Сатмару,
и на югу Земплина.

Жили у Твоїм паметаню, Руснаку,
Тверднї и замки:
Перемишски,
Шатораляуйгельски,
Маковнцки,
Бардиєвски,
Мукачевски,
Ужгородски
Хустски...

Паметал ши
и вельо панох и панства.
Оставали вони за Тобу як хвост,
цо ши го цагал...
Населеня доставали мена
по своїх панох,
а Ти, найскорей, по валалох.
Панове це трималн за свойого,
а Ти їх за цудзих.
Мена ши мал свойо,
презвиска тиж свойо,
а панства мали свойо...
и вше з одходом,
чердал ши люцке,
за нове - люцке.

У Ондавки и Вислави,
Циґли и Капушанох,
Кашове, Рускове,
Збегньове и Ракаци,
Ґайдошу, Ґаднї и Ґараднї,
Мученю, Ґeрембелю,
Сеґеду, Салони и Салонти
вил ши гнїзда свойо,
роками, децениямн, виками.

Роєл ши нови рої
и полнєл кошнїци,
тамаль, вше южнєйше!
Паметал ши и старих
и нових панох,
а найдалей ши сцекал од Полякох
бо ци на спреводзку виру брали,
и жемни труд нємилосердно
ґрабали и Савкови
шибенїцу зрихтали!


IV 
                                                            
НА ЗМИСT / GO TO CONTENT


Знал ши, люби мой Руснаку,                                             
и зашпивац, вешелїц ше
и скаржиц ши ше знал барз,
алє ши нїкеди,
над свою судьбу,
нє нарикал!

Твойо шпиванє,
знало буц смутне и цихе,
алє и гласне,
же ше аж гори тресли
бреги и лєси одгуковали.

Знал ши, мой Руснаку,
зашпивац писню
и свою и люцку.
И люцку паробску
ши знал шпивац
зоз полним гарлом,
кед и гарло пред тим
полне було.

Найвеселши ши бул
на свадзбох.
Свадзби ци гарантовали
вичносц живота!
Нови фамилиї,
нови доми
нове потомство,
нови живот...

Панства и панох
ши не любел,
анї їх знаменя,
та ши свою заставу звил
и на свадзбох своїх,
вона Це, як русалка-млода
оквицена и прибрана,
торжествено водзела.

Церква Ци була святния,
Твоя, руска,
цо ци рускосц чувала,
а руску державотворносц
помали забувала...

Твой живот, Бачвански Руснаку,
у рабстве давним, польским,
брал ци и цело и душу.
Трапело ше цело,
як у ярме запрагнуте,
кед ши жем рил
и пшенїцу кошел
и сламу до снопчкох вязал.
Твердинї и замки
кед ши будовал,
панщину одрабял...

Бул ши вше добри слуга, Руснаку.
Почал ши, якошик,
и цудзих панох почитовац.
Старал ши ше им
аж и вилагодзовац,
зоз своїм совисним
сполньованьом обовязкох.

Може же ши верел, же тот
терашнї пан и Твой,
бо Твойо праве панство
знїклo, як стебло зрезане,
а ти остал лїсток-нашенко
цо го зоз собу витор
ноши ширцом...

Лапал ши ше за жем
и пущал жилки,
вирастал до дуба,
а стебло крегке Твойо,
нови и вше новши панове
згниали и ламали!

И свою бешеду ши трацел,
и виру ши трацел
и страцел, праву споконвичну,
але ши свойо чувство рускосци,
у тим пейцвиковним блуканю
не затрацел!

Вше пoтамаль,
док ши жиц могол у трапези
церпел ши и пански розкази.
Кед Ци панство, шляхта и немеше,
анї на живот нї охабяли,
охабял їх Ти!
Нїжей ши ше спущовал,
южнейше од пекла одходзел,
зацаговал под лєси,
странєл од домашнього жительства,
же биш цо длужей
свой власни остал.

Уж у тей власносци,
нєсвидомо,
прилапял ши бешеду
польску,
словацку,
и мадярску
и мишал ю зоз свою,
и шпив ши приял,
и писню.
Постал ши свой,
иншаки од брата свойого,
цо на жеми своіх
пра-, пра-, прадїдох
вично остал!

Нови панове Ци, Бачвански Руснаку,
на тоти розлики указовали,
наглашуюци Твою вирносц,
доброту и роботносц.
Окремносц и специфичносц
рускосци Твосй велїчали,
же би це од стебла
карпатского, руского,
народа милионского
одщипелн и одорвали
и до шорох своїх поданїкох
держави - мачохи
уляли!!!

Капал ши и скапал,
стоткамн и тисячами
як жридлова вода
цо скапе у рики
свойом драгом до моря.

Матка зна буц чаривна,
островка знаю зачувац
бистросц и швижосц духа,
гордосц и шерцо,
знаю пилновац традицню
и звичаї.

А зоз жридлох карпатских,
и терашнїх руских островкох:
Словацкей, Мадярскей и Румунскей,
Ти, мой Руснаку, приведзени
до блата и мочара бачванского,
на Панство Кулянске,
же би ши роботносц указал,
поля препородзел
и Паньству обовязки плацeл.



V
                                                               
НА ЗМИСT / GO TO CONTENT

Твой приход до Бачкей, Руснаку                                        
бул нова надїя,
бул обецана жем!
Рай за гладних и
Рай за блазних!

Сцигнул ши ту,
застарани, збунєни и страцени.
Бул як дєп оголени,
на слунку спечени,
без травки, без живота,
лем зоз шалїтру у очох,
у целу, у души!

На тей остатнєй драги,
брали ци и мено и виру.
У велїх стредкох,
страцел ши и надїю,
а кед ши и ю страцел,
такой ши ше и сам затрацел!

Знїкнул ши, Руснаку, у Банату,
дзе ши поєдинєчно приходзел,
дзе ши ше мишал и змишал,
помишал, алє нє и вимишел!

Затарли Ци шлїд у Бачкей заходней
дзе це пан Ґрашалкович,
селєл н населєл,
по цену же би ши папишта постал.
Од Тебе, Руснаку,
у Дорослове и Кулпинє
и шлїд знїкол,
як цо ше своїх кореньох
нєшка одрекаю
Гейокерестурци, Надчечци,
Абодци, Сентпетерци,
Сеґедци...

Остал ши свой, Руснаку,
лєм у стреднєй Бачкей,
на Панстве Кулянским,
мочару вичним,
на пустари Надькерестурскей
на Ступи Коцурскей,
дзе Ци нїхто други,
окрем панства нового,
кулянского,
розкази нє накладал,
роботи не одредзовал.
и обовязки нє зберал.

Сцел Це пан Редл, Руснаку,
як Ruthena грекокатолїка,
з правом шлєбодного селєня.
як госца - послухного поданїка.

Требало Це як жемного раба,
котри  живот мочарней Бачкей
попри Мадяра, Словака и Немца
дарежлїво враци.

Пришол ши, веряци
же и околни роднєйшни пустари
Твойо буду...
Же ше род Твой блукаюци.
цо уж знова, деценнями,
свойо место под слунком глєда,
ту удоми, гнїзда звиє...

0 кратки час
и за Тебе, приселєнца,
заш жеми, та анї хлєба,
досц нє було!
Раз пановала суша,
другираз Це вода виляла.

Панство свойо глєдало,
а нови пустари,
обрабяцей жеми
гоч обецало -
нє досц давало.

Ту Ци, у Бачкей, Руснаку мили,
презвиска урядово нацифровали,
прикмети Твойо означели
и место походзеня,
лебо народзеня,
занавше у презвнскох
овиковичели.

Було з Вас и малих и вельких,
и дробних н червених,
и чарних и доганових.
Дзепоедни сце, уж од скорей,
и по державним так записани,
а дзекотри, боме и ту...

Бул ши, лебо ши постал.
и Киш и Надь,
и Апро и Вереш
и Фекете и Барна.
Було Це и з Абоду,
и з Вислави, и Салонти,
и з Мученю, и Гаднї, и Ґараднї,
Герембелю, Фанчалу,
Венчельова и Токаю...

Постал ши, у Бачкей
Абоди, Абодї и Виславски,
Салонски и Мучински,
Мученї и Мученски,
Ґадняї, Ґаднянски и Ґараднаи,
Ґерембелї, Фанчалски,
Венчельовски и Токаї.

Ти остал и надалей и свой,
свой власни - руски,
бул ши далей и Цмар,
и Рус, и  Данко, и Гомза
и Илько, и Петрашко и Бруґош.
Єдно ши мено за себе мал,
а друге за пана.

Церкву ши свою,
и школу свою, руску,
такой мал.
Не справел ши их з дубох карпатскнх,
алє пруца и блата бачванского,
як и доми свойо.
Створел ши их и мал
на радосц души!

Царици ши верел,
єй ше поносовал,
од ней охрану вимагал,
помоц глєдал,
а вона це з ризами
и Библию даровала!

Осудзени ши бул, знай, Руснаку
Велькокерестурски и Коцурски,
препаднуц.
Дух Твой, ту, у тим блаце,
лєм мадїстрове и паноцове

ци отримовали.
Робиц и церпиц учели,
свой криж ношиц,
милoсц мoдлїц
и лєпшому ше наздавац.

Уж кед ши обстац
и ту нє мог
и пре Пана,
и власне Панство,
и гладни роки,
и повинь
кед води поля вжали
доми подмили,
хороти принєсли,
зрихтани ши бул пойсц индзей,
далей,
дзе це розумиц и почитовац
баржей сцели.

Не пошол ши, Руснаку!

Верел ши же Билу достанеш,
верел ши обецунком...

Остал ши знова спреведзени
и занавше победзени!
Остал ши у блаце
керестурским и коцурским,
у новим доме
духа страценого,
и шерца боляцого!

3 Твоїх домох, Руснаку,
знова млади орли вилетовали,
цо спреводзком не верели
и будуцим поколєньом
нове место под слунком
у Шайкашскей
и Сриме
преправяли!



VI
                                                                    
НА ЗМИСT / GO TO CONTENT


Одгуковали вироєни думки
з єствох крипатских

oдбивали ше од мурох
набиваних,
наджобовали ше на надово закрица,
колїсали ше зоз колїсаньом жита,
регочали у шлебодним беганю
по валалских пажицох...

Чловек стал розпяти у своей моци
од власней немоци!
Швет тот меняц - сцел сам!
Дзвигал ше до нєба - даровал,
модлел за милосц - жертвовал,
же би прихнльносц Божу здобул!

Кружел у процесийох по хотаре,
сциговал до Марня Повчу,
одходзел на жридла свойого спознаня
же биш дух змоцнел,
гордосц наврацел,
шерцо розвешелєл!

Не церпел ши цудзи ошмих,
пиху Пана
и стуканє раба...

Ту, ту, ту у тим Мочару,
Знай, мой Руснаку,
род Твой руски
у молги ше давел,
з думками - думки войовали,
надїї до блата лєзли...
Живань наш, опришок лебо гайдук,
тераз по мочарним полю риби лапал.
Над краднул, колїби правел
и доми будовал.
Власц му обецунки давала,
мочарни поля даровала,
днї роботни одредзовала,
кари предписовала
и кед сцела - карала, карала, карала...

Ти, Бачвански Руснаку,
Божске порозуменє вимагал,
правду жемну на жеми,
хлєба за гладного,
води за смиядного!

Кед анї того нє було,
знова ше у Тебе
крев пра-, прадїдовска знемирела,
на зраженя ши поставал зрихтани,
алє у блаце и штурм лєжнє,
дубонь нєстава.
Нєт брега каменого дзе власни крочай
и дубонь - храбросц даваю!
Нєт лєса желєного,
дзе власни крик -
крики власни надвишує!
Нєт пнснї цо ше нєбом виє,
зраста зоз бурю
и громи надвладує!

Остал ши и постал, мой Руснаку,
жемороб бачвански,
у бразди посней жеми,
у колїбки облїпеней,
и вец - у хижи
з набнванима мурисками оградзени,
з облаками до швета свойого запатрени
до слунка обрацени,
на одход власни вше унапрямени!

Пре пана свойого, котри розкази дава
зарно питал, статок однїмал,
и людзох чесних на шибенїци кладол,
страшидла правел и до тащкох
претварял.

Дом власни, у тей цудзини,
Ти, Руснаку, свой полюбел.
Полюбел ши Водицу, Мария Юд
и Текию,
Рим и Жем святу!
Знал ши го и бранїц
од зла каждого
и свойого и цудзого!

Одрекал ши ше сина власного,
кед поклєкнул
пред панску власцу и славу!

Одрекал ше предняка свойого,
кед одблукал пре пански хвали!

Бул ши муриско, твердиня набивана,
жем у Це збита стала, вше потамаль,
док Тебе и сином Твоїм,
Панство, тото - ту,
надїю на живот чесни
и ту нє вжало!

Зогнути на двойнє
пре мотику и Бога,
служел ши Бога з надїю...

Давал до дзвончка,
дзвони куповал,

олтар давал мальовац.
кивот куповал,
алє, кед ше мушело,
знал Ши повесц:
"Идзем!"
"Одходзим"
Гоч ши и без благослова
оставал!

Надїя под цудзим нєбом
блїскавка Ци, мой Руснаку,
ясна постава!



VII
                                                            
НА ЗМИСT / GO TO CONTENT


Сто роки, мой Руснаку,           
                                                    
Твойо оцове рили тоту
жем бачванску з древенима  

плугами.
Була то трапеза и мученє

и себе и бидла.

Трапеза без плоду,
трапеза без роду!

Раз шацу вода
живот нєдала...
Другираз вода
живот му вжала...

Раз плуг до жеми
зариц ше нє сцел,
другираз вода
спод нього ишла...

И тота вода,
цо зоз жеми вишла,
часто це зоз домох вигнала,
Твойо обисца
зоз жему ровнала!


Ти, Бачвански Руснаку,
у перших своїх сто рокох,
на три заводи себе хижи набивал,
древо зрезовал и з надом прикривал,
а єсц ши нє мал, бо панства вжали,
бо вони на то вше права мали!


Прекляте же би
постало Панство панске,
Прекляте, най би було,
царске, жупанске и кулянске,
цо душу нє мало,
цо и остатнє нашенко брало,
цо пре неточно почитанн мараднки,
цо пре нє добре виорану бразду,
бо руки не бировали,
Тебе Руснаку,
на двойнє згинало,
кланяц ше Богу и царови
и на шибенїцу кладло,
при марадикох,
на оранїни,
пред валалску хижу,
же би Це у страху тримало,
же би Ци остатнї ґрайцар
одняло!


Вода кед роками
на царскей жеми стала,
хасну кед нє було,
шена кед нє було,
дзеци и дїдове
кед умерали,
статок кед гинул,
Ти, мой Руснаку,
Керестурски и Коцурски
обецунки доставал,
кламани бул, спреведани...


Обецали Ци шицко
панове кулянски, панове з Бейчу...
И Билу навше,

пребаченє порцнї,
и длуги драги,
и роботи зоз статком,
и роботи на пешо...

Кед ши нїч нє мал,
мой Руснаку,

и панство ше свойого одрекало,
та аж и когута вимишкованого,
и масла препраженогo

и вайцох курових...

Кед Ци у дворох кури закодкодали,
Панства такой и пребаченє питали!
Пре рестанцию - на шибенїцу!
Пре рестанцию - коруни з порвислох!
Пре рестанцию Твойо предки,
мой Руснаку, окупани тащки постали
и зоз крова валалскей хижи
власц царску лали
и преклїнали...


Велї роки, мой Руснаку,
Бачвански и Сримски,
по два запраги царску жем орални
Цо ти робел,
кед ши лем єдного конїка мал?
Кельо ше Ти пешо наробел,
кельо одробел,
же би ше и на Твоїм полю
жито желєнєло
и клаше зазлацело!


Пешаки, пешаки,
Вам гимни нєвишпивани!
Ви найвекши трапенїки крипацтва,
Ви найвекши мученїки панщини!
Ви давали роботи
тим цо запраги мали,
ви давали роботи Панству,
а рок ма лем 365 днї,
од котрих ше лем двасто робело,
а требало и свойо поробиц,
и Панске обробиц,
и за запрагни роботи на своей жеми

сушедом одробиц и поробиц!

Плуги древени,
брани ґраньово,
дерлячи дринково,
шульки дубово,
руки косцово,
ноги косцово,
а брухи празни
и дзеци гладни!

Роб Ти, Руснаку,
од слунка по слунко!

Роб за пана свойого,

за Цара царского,
за Бога божского!

Порция Ци будзе пребачена,
аренда Ци будзе одпущена,
воякох тримац нє будзеш,
длугоки драги вожиц нє будзеш!

Роб, блазни Руснаку,

Вер, блазни Руснаку,
Вер до Цара свойого,
Вер до Раю вичного!

Роб и вер, наздавай ше,

очекуй блаженство вичне,
Ти го заслужел!
Пре поля пошати,
пре води виляти,
пре шашку,
пре каменєц,
пре церкви змуровани,
пре образи мальовани,
пре дзвони гласни,
прe живот власни,
пре живот власни!

Пре дзеци красни,
пре дзеци власни!
Пре чувства Божи,
пре чувства Божи!


 
VIII                                                        
НА ЗМИСT / GO TO CONTENT


Гладни рoки, пoвинь и кoлeри                                                            
єдни пред другима ше змагали,
а Тебе, мой Руснаку,
виробеного, витрапеного и
випосценого,
зоз домох, школох и церквох,
до цинторох одпосилали.

Древени крижик
награда вична Ци оставала!
А мено Твойо,
слунко, диждж, витри и шнїг
зоз жемного забуца висцерали...

На три заводи, пре колеру,
Твойо валали
нови багреново лешики достали,
кед над Твоїма главами, Руснаку,
рокох Коцурских
183І-го,1849-го и1873-го,
и рокох Керестурских
1836-го,1849-го и 1873-го
анї крижикох нє було,
алє лєм над гробами
пейцох, осемцох, дзешецох
и двараз и трираз тельо,
багрени вирастали,
же би по нєшка,
нїгда,
занавше,
жаль и боль нє ублагали!

Остал Керестур
без свойого каждого пиятого
трапенїка року 1836!
Остал Керестур
без свойого каждого дзешатого
скаранїка року 1849!
Остал Керестур
без свойого каждого петнастого
мученїка року 1873.
За штерацец роки

по трираз застали
Керестур и Коцур,
по трираз врещали
Керестур и Коцур!

Мертви живим ноги путали!

Мертви живим - жиц нє дали!

Два тисячи мертвих застановели
и крок
и бег
и рост
пейц тсячи живим!


И смуток
и плач
и йойк
и дари
и хвали
и благодари
нє пошвидшали крок,
нє пошвидшали бег,
нє пошвидшали рост!


Руснак, по колєна у блаце,
по перши у води,
и по уста у молитви,
змогнул свой крок,
змогнул свой бег,
змогнул свой рост!

Зроснул зоз блатом, воду и молитву,

Зроснул зоз клашом сущацим,
Зроснул зоз косу, Крачуном,
златним сирцом и швецену шунку!

Богу давал шицко цо мал:
и дзеци, и житни поля,

и дзивки, и звежени мараднки,
и мацери кед полог ношели,
и дїдох з хижох намочених.

Вше и вше давал!

Вше и вше доставал
и клятви од панох,
и благослови.
И пришаги давал,
а свой,
вични свой, оставал!

Зрихтани свой швет меняц,
себе меняц, и швету ше,
и  животу рабскому, одуперац!


IX                                                       
НА ЗМИСT / GO TO CONTENT


Мал ши дом свой, Руснаку,                                                        
а бул ши без нього,
бо доми керестурски и
коцурски
були и Божи, и Твойо и Паново.

Дом Твой постала Бачка Кулянска,
хотари керестурски и коцурски,
алє вони своїм чадом
хлєба нє давали;
прето велї власни доми,
доми гладу поставали...

Одходзел ши Руснаку Бачвански
з дому свойого
пре биду, глад и страх,
зоз слизами и больом у души...

Бояжлїво ше удомйовал до
Шайкашскей,
дзечнейше наднїчар поставал
варадински,
як слуга, знова, мочарни и ритски.

И так як циха вода,
капка за капку цо чурок прави,
так и Ти,
мой Бачвански Руснаку,
чурки правел до Варадина,
сримских винїцох
и польох Шайкашских...

Цудзинєц ши знова постал,
нежадани, преганяни, вишмеяни...

Керестур и Коцур були доми Твойо,
власни Твойо и лєм Твойо!
Постали Твойо матки,
як цо и гевта давен-давна,
цо ю Твойо предки
покрадзме охабяли,
лем же би ше очухох,
мацери-матки знїчтоженей,
гладни ментовали!

Терашнї одходи були смутни,
терашнї одходи були боляци,
терашнї одходи були врещаци!

Пре матки нови, цо уж дзешецрочами,
на своїм, свойо дзеци ховали!
Та гоч их и до тей жеми часто ховали,
вельораз то и як ласку Божу примали!
А сциха, за себе, слизи сцерали,
руки ламали и вини свойо глєдали!

У новей цудзини - души зламани,
Твоєй слизи ше радую,
доми цн паля,
урожай однїмаю...

А исц ше муши - одходзиц муши!
Бо поля власни моря постали,
бо обисца власни руїни стали,
глад загрожуе,
хороти вибухли,
а панства оглухли!

Молби и скарги Панству - послати,
молби и скарги Скупштани - дати,
молби и скарги Царови - писани,
молби и скарги Владикови!

И шицки цихо,
нє ратую Руснака, мой Руснаку!
Ратує лєм Руснак - Руснака,
нє дриля го до блата и дави,
бо зна же за ньго
места под цудзнм небом
дагдзе остава!

Змиловало ше Крижевске владичество!

Шид, нови руски Шид,
треце руске гнїздо,
треци свой дом,
треци свойо поля!
Свой биров и своя власц
своя церква и свой паноцец
своя школа и свой мадїстер!
Нови дом на своїм,
Нова надїя под цудзим нєбом!

Шайкашска як цудза
нова рана постава.
Нє гевта обецана,
з вецей розуменя,
вецей правди и вецей польох.
Постала жем недовирия,
нє жадна цудзинцох
цо поля рию,
жем и себе трапя...

Лїґа жем тота цудзинца,
прима го як минара,
майстра и слугу,
а нїяк себе ровного
статкара, а ище менєй
иновирнїка Руснака.

Розшал ше Руснак
и по польох Шайкашских,

бо бида и глад страх оглушую.

Поля обрабял,
статок напасал,
пажици преорйовал,
ґлоби плацел,
житни брадла звожел,
а,а...
худобни оставал!

Война кед ше зорвала,
тота, кед ши, мой Руснаку,
нє знал, прецо ше людзе
од людзох боя, прецо воюю...
Ти ше до свойого руского дому врацаш,
охабяш поля шайкашски,
маюри варадински,
винїци карловацки
и город Варадин.
Врацаш ше до своїх маткох,
Керестура и Коцура,
же би ши свою судьбу
злучел зоз своїм руским родом
и охранєл ше.

Страхоти бунту Кошутового,
ту, у Бачкей и Ти, Руснаку, спознал,
Доми дюрдьовски, доми новосадски,
и велї доми коцурски
од штурми биткох поохабяни.

Керестурци и Коцурци
ше свойого правила тримали,
гордови полни и столи полни
шицким тром войском...
И пришаги, и овациї...
Парохове Гвожджак и Шовш
витали братох славянох
и воскреснуце видзели славянске,
а новтаруше валалски
славу Арпадох дзвигали по вичносц
и царство райске,
а шицки вєдно рускосц,
валали, церкви и людзох своїх,
у тим Бачванским форгове чували!
- Мушиме обстац, вше так думали,
- Ша ми од войованьох,
вше лєм грубши конєц достали!


X                                                          НА ЗМИСT / GO TO CONTENT                     


Роки тисяч осемсто дзешати.  
                                            
Дивински, Фирис,

Новак, Колєсар и Жебеґняи
до варадинских калдермох
свойо коренї пущали,
роботи варошски кончели...
Дзивки коцурски и керестурски
служнїци пански,
и жени цудзински, поставали.

Винїци карловски
маюри петроварадински
жем Шайкашска,
поля дюрдьовски, сентивански,
чурожски, катьски, и жабельски,
Руснак, пешак и рисар,
як свойо обрабя,
хлєба зарабя,
змучени ше до маткох своїх
враца.


Враца ше же би го пописали,
порцню вжали,
и на яр, знова, до швета
за хлебом одпослали!

Рокн тнсяч осемсто двацети.

Шид, нови сримски Керестур,
треци дом руски!
Свой валал, свойо поля,
своя власц и охрана!
Свой паноцец,
своя церква
своя школа
свой мадїстер.
Ша цо Руснакови вецей и треба!


Чували тот свой сримски дом
Бачвански, а Сримски Руснаци,
власцом ше висшим одуперали
лєм же би у своїм
и на своїм,
свою власц и шицко свойо,
гоч худобнєйше,
од цудзого, державного,
цo длужей зачували!


Штерацец роки борбох
лєм же би Руснак
свою општину мал,
же би Руснаком остал,
же б
и нїчий слуга нє постал!


Алє и шидянски поля
швидко цесни постали
бо, з Керестура и Коцура
рої Руснацох прейг Дунаю
прелeтовали!

Роки тисяч осемсто трицети.

У Бачкей з рока на рок
стотки и стотки нови души.
У Сриме: поля, пажнци, луки,
хибя лєм роботни руки!

Руснак роботи єдна рисарски,

же би роботи стаємно мал,
єдна их з рока на рок

и удомює ше:
у ґазди у бразди,

у полю кукуричним,
у полю житним,
при стаду у хотаре,
у хижох жедлярских...

Бере роботи натречарски,
под аренду,
же би свой газда стал!
Же би му Срим,
нови валали,
нови доми постали!


Роки тисячу осемсто пейдзешати,
осемсто шейдзешати.
Ослабла од чадох своїх
мац, Твоя кармителька, Руснаку!
Кошнїци Твойо полни постали,
гоч млади рої вилєтовали.

Глад, страх и колери,
кельо лем чада з дому власного
на дар Богови,
на дар царови,
на дар чортови,
до теметовох преселєли!


Тоти цо фуркли горе брегами,
цо пошли з дому за орлами,
гей тоти, тоти гнїзда уж вили,
у своїх стредкох рускосц ожили!

Руски Шид. Бачинци,
Стари Янковци, Петровци,
Ґрабово, та Миклошевци...
Ту ше уж жнє як и у Бачкей,
ту ше зволує своя родзина,
ту сримски прадки, руска ґаздиня,
ту своя церква, ту руска школа!


XI                                                             
НА ЗМИСT / GO TO CONTENT


Роя ше рої у Бачванским блаце!
                     
Роя ше рої на Маковици!
Гарню ше рої и зоз Горнїци!

Лежимир, Мандєлос, Митровица,
Привина Глава, Пиштинци,
Бикич Дол и Беркасово...

Сримски грунки н благи луги,
карпатски дзеци до себе вжали,
ту их з Руснацами зляли, змишали
и нови живот далєй почали!

Рої цо на восток одлєтли,
скорейши свойо гнїзда нашли:
Варадин, Дюрдьов, та Господїнци,
Кобиль, Чурог, Надаль...

И ту ше шириц шумнє почали,
нових Руснацох назволовали!

Роки тнсяч осемсто седемдзешати.
Цесни постали знова
поля велькокерестурски,
цесни постали знова
и поля коцурски.
Мочар луки намакал,
блато косци круцело,
Медєш ше осхнуц нє сцел,
Била панска остала,
а гладни уста хлєба питаю!
Подводни поля хлєба нє даю!
Постава Руснак рисар шайкашски,
арендаш ритски - катьски,
арендаш, натречар и наполичар
дюрдьовски...

Дюрдьов,
окраїско циганске,
шор руски постава.
Шор "блазних Русох",
цо пашкови преорюю,
хижи през ноц будую
и нєплодну жем з добрим пенєжом
плаца—купую.


XII
                                                         
НА ЗМИСT / GO TO CONTENT


Рoк осемсто пейдзешат осми,                         
тисяч осемсто седемдзешат шести,
роки пресудни - руски.


Роки кед ґаздове, Бачвански Руснаку,

жем у хотаре зогнали,
салаши будовали,
поля мали, околни, од своей худоби

за добри пенеж куповали,
та и Тебе, бидняка, з мало жеми,
занавше, од матки - Керестура
и Коцура,

одпослали!

Жем розмерали,
луки на фертаї скрали,
та зоз пажицох, Тебе, без жеми,
и стадо Твойо, за навше вигнали!
Остали минеши, чорди и ґулї
без стада пешарского-наднїчарского
и жедлярского.
Остали перини без пиря гушого.
Остали доми худобних
без млєка лїтного,
у  жохтаре, з пажици,
з мацеровим скоком
принєшеного.


Потамаль, док поля були шицких
после урожайох,
шицко було у полю, у хотаре:
и конї после роботи,
и крави на паши,
и яловина за дом нє знала,
як цо и Ти, мой Руснаку, безжемни,
цо в яри з дому одходзел
шлїдом роботох, километрами,
так и Твойо стадо,
кед ши го мал,
хлїв и двор охабяло,
же би аж пред жиму,
як и Ти, наднїчар и рисар,
до дому ше врацало.



Тераз, кед поля змерани,
луки скрати, Ти, мой Руснаку безжемни,
з пажицох вигнати,
остало Ци, зоз цудзих крайох
ше нє врацац,
алє там у Сриме и Шайкашскей,
найтуншу жем куповац,
хижи будовац,
поля цудзи обрабяц
и од слуги, наднїчара и рисара,
арендаш и наполичар
и свой газда поставац!


Твой рост и поднїманє у цудзини,
боляце и кирваве постало!
Домашнї Це, Бачвански Руснаку,
за блазного тримали
док ши лапоши, луки и пажнци,
вично пусту жем,
добре плацел и куповал.
Блазни ши бул кед ши их и преорйовал.
алє, кед Ци тоти поля
зарно зродзели,
хлєб житни и чардаки полни,
нєнависц и злоба
дзекотре домашне жительство обняла.


Гамбари окрадали,
коши пражнєли,
статок однїмали,
брадла палєли...

Вше потамаль док Ти, мой Руснаку,
зоз шерцом карпатским и схопносцу,
не процивставел ше зложно
нєнависци и злосци,
и знал напасц зопрец
на щесце и радосц шицких!


XIII                                                  
НА ЗМИСT / GO TO CONTENT


Роки дзевецстоти...                                       
Руснак у Шайкашскей
и Сриме уж удомени.
Дюрдьов, Шид, Бачинци,
Петровци и Миклошевци уж населєни.
Церкви збудовани - школи
зорганизовани,

учителє и священїки з Горнїци
и домашнї Илирци,
дух руски розвиваю
и Руснацох од мадяризациї,
горватазациї
и сeрбизациї,
гоч дзе су, вшадзи чуваю!

Руснак руски живот успишно водзи,
церкви, школи и традициї ше трима.
Християнски швета,
торжествено швеци.
Крачун, слама у хижи,
коляди ше шпиваю,
капусна юха и бобальки пририхтую...


Велька ноц, швето над шветами,
препород души...
Шунка, сирец, и облїванє,
и Служба Божа, гласне шпиванє...


Кирбаї швето руского роду,
кед ше дом, фамилия и род велїча,
кед капури, дворово и шерцово
нащежар поотверани,
кед госци сцигую зоз страни.
Слави ше швето храму свойого,

дознава о тим цо єст нового,
поради слуха о ґаздованю,
о своїм руским напредованю...
Млоди ше руски вибераю,
свадзби готує, тали одредзуе...

Руска свадзба - швето роду по треце
колєно.
Звичай народни з библийскима
мудросцами звити,
каждому розумлїви, каждому мили,
каждому весели, каждому поучни!
Народна традиция школа жнвота,
здогадованє на чесни обовязки,
на фамнлнйни и християнски живот!


Свадзба то народне, державне

и церковне пришаганє.
То писнї свашковски,
дзивоцки и хлапцовски,
дзивоцке звискованє,
старостовске наздравянє,
дружбовске винчованє,
веселе танцованє,
млодово предаванє...

Народни сходи дзивкох и легиньох,
женох и хлопох,
"ґаздинї", "прадки" и "шедзеня"
своєродни школи живота,
розваги и поуки.

Ту ше шпнванки шпива, нови здумує,
слуха о войнох, о старим краю,

учи ґаздовац...
Ту ше и роби и пошпивує,

франти заклада и потанцує.

А забивачки - радосц и слава,
дзе ше госцина, велька готує...
Ту дзеци од дїдох швет спознаваю,
причти слухаю о давних часох,
коньских тлачидбох  войнох, штреляню,
жимским санканю и виврацаню...
Баби, заш, свойо новосци маю,
о русалкох, ангелох, босоркох
и свадзбох приповедаю...

Юшка и месо, гурки, колбаси,
шицко то тоту вечеру краши.
Колачи-садлянїки права лакотка,
вино з гордова награда шицким.
Вечера тота, славна вера,
бо фамилию вєдно позбера!

 

XIV                                              
НА ЗМИСT / GO TO CONTENT



Роки спокуси и вешеля!
                             
Часи кед керестурски Руснак
свою школу траци,
а коцурски побиднїк постава!

Валалске панство карчми ма славни
дзе музиканти поцихи граю,
ту ше вечери зоз госцинами
за поволаних пририхтую.
На балох майстрове, панучителе,
новтаруш, лїкар, панучительки,
апатикар, куршмит...
Ту и паночки, красни фрайлочки,
як и панцики...
Ту ше колїше младосц и краса,
ту ше вешелї потїха наша!

Павлинков погляд збачел Михаил
и два погляди єден постали.
И вони двойо, сон керестурски
зоз рижних кветох виплєтац стали.

"Випровадзай, мамочко, свойо любе
чадочко",
Михаил Врабель зписуе руске
народне благо створене.
Учителька Джуньова
валалски шпиви вечарши
облєка до гадвабних шматох,
руских билих кабатох,
виплєта парта и венци з барвинку виє,
ладу готує,
били кабат облєка
и з Михаилом Врабельом
прелєтує Бачванску ровнїну
и у Будапешту свойо гнїздо криє.

"Русскій соловей" пирхнул до швета,
оглашел о нас швету новину:
Руснак у блаце по колєна,
у Южней Бачкей, шпива Руску ГИМНУ!
Шпиванки шпива, казки приповеда,
загадки згадує и свадзби
по руских обичайох отримує!"

Прифуркнул Гнатюк зоз Галичини.
3 радосцу вита братох Руснацох
слуха и значи цо вони знаю,
и записус цо паметаю.

Свашка Рамачова шицкнх надшпивала,
стотки шпиванки записац дала.
Казки, приповедки и легенди
други знали,
та Гнатюкови вецей як два мешаци
у Керестуре и Коцуре приповедали.

Ґабор Гомзов звил венєц идилски
"3 мойого валала" -
зашпивал словом мацеринским!
3 радосцу привитал жнвот валалски
и живот руски.
Витал звичаї,
легиньске и дзивоцке шпиванє,
жимске санканє,
шпив шкорванчка,
Крачун и народзенє дзецка!
Указал швету, народу свойому,
на красу свойого власного
слова руского - слова мацеринского!

Постал шветларнїк и драгоказ
културного розвою руского!


XV
                                              
НА ЗМИСT / GO TO CONTENT


Три виселєнїцки габи,                                             
три одходи без врацаня,
три рани и плаканя,
три власни побиди,
три сцеканя од биди!

То роки колерох,
То роки поджемних водох,
гладу, хоротох и страху,
То роки салашского ґаздованя,
Ґаздовского змаганя и поднїманя,
то и роки дзеленя маєткох
и наставаня новей
керестурскей и коцурскей худоби.

Родзеней и створеней!

Тото предате керестурске и коцурске
бачванске худобство,
знай, мой Руснаку,
зоз твоіх дїдох, у Славониї и Посавини
газдох стваряло,
цо робиц сцели, могли и знали,
цо зоз нє плодней жеми,
родни поля - стваряли!

Треца виселенїцка габа, мой Руснаку,
однєсла Це найдалей од матки Твоєй,
Керестура и Коцура.
Однесла Це до Пишкуревцох,
Андриєвцох,
Вербанї, Ґунї и Села Райового...
И ищe далєй, на нови контниент,
до жеми обецаней, до Америки

за роботнїка у фабрики.

Америка, огняна фабрика,
нова надїя, за Руснака мученїка,
цо ше змогнуц сце,
и ровни постац зоз тима цо жеми маю,
салаши, статку - цо су ґаздове!


Велї вексли у ґаздох остали,
же би ше за "нови швет"
шиф карти достали!

Охайо - Барбитон,

Американски Керестур!

Сур-пайпи и камене блато,

огняни пеци и вична жажда...
Огень жре и цело и душу.
 
Шалїтрарня,
отрови, скора червенї, крев ше плюва,
власи опадую...


Лївальня,
модли и огень били,
искри скакаци, гази давяци...


Мичиген - Детроит,
железни фабрики,
пеци, топальнї, лївальнї...


Руснак, звикнута на косу,
плуг и дєплови,
ляцину лєє, дрот вицагує, плех роля,

свою судьбу преклїна,
Бога спомина, о Краю шнїє,
а на педу:
"Палє ту долари - налєй нам погари!"


Велї америцки уста гладни оставали,

же би до Краю, женом и дзецом
долари сциговали!

Велї вексли - одкупени!
Велї яраши- накупени!

Велї хижи - збудовани! .  
Стотки Руснаци свойо ґаздове постали,
алє и стотки попрепадали!

Велїх Америка - скламала!

Велїм дзецом - оцох одняла!
Велї ше у Америки - затрацели!
Велї ше у Америки и удомели!
У Америки ше мало збогацели!


XVI                                       
НА ЗМИСT / GO TO CONTENT


Смутни штири роки.
Дзевецсто петнасти, шеснасти,
седемнасти и осемнасти.
Пресмутни вони постали
з Керестура и Коцура
тисячу пейцсто легнньох и хлопох
до войни вжали!

3 каждого дому по єдного,
а з даєдного и оца и сина
лєбо братох за царских
або гонведох катонацох.

Вжали на фронт,

за першу линию, за штурм!!!

Ти, мой Руснаку, праунуку карпатски,
нашол ше знова у краю своїх предкох,
у своім краю!
Место привитох, братских поздравох,
радосци и щесца,
Ти одняц пошол свойо руске -
за цудзинца!
За пана Австрияка и пана Мадяра!


0, яка судьба, яке преклятство,
яке то руске карпатске братство!!!

Алє знам, мой Руснаку, вояку-нєбораку,
же Твойо кульки нєбо парали,
же Твойо штурми Тебе - ховали!
Врацал ши длуство своїм братом,
цо место Твоїх предкох карпатски доми
чувац остали
же би и Твою матку,
Бачвански Руснаку - очували!


Нїхто нє узнал, як два валали
южноугорски,
як два валали, валали руски,
живот любели - шмерц привитали!
Анї слова, анї помена,
лєм цихи болї,
цо душу нїща...
Тристо керестурски мацери нарикаю!
Тристо керестурски шестри
у чарним пооблєкани!
Тристо керестурски ґдови
винчани и нєвинчани!
Кажде треце обисце у болю,
тристо обисца у вреску!
Тристо труни -
штварти теметов керестурски
на Карпатох и Пияви!

У Коцуре- вреск!
У Коцуре - боль!
сто катонаци ширцом зашати!
сто - мацери у плачу,
сто - чарни хусточки,
сто - гдови,
дзеци широти...


Над Керестуом и Коцуром чарна хмара,

цо отров войни нараз розляла!
Застановени живот и рост!

Спомалшени рост керестурски,
спомалшени рост коцурски
застановени и спомалшени
живот и рост руски!


XVII                                              
НА ЗМИСT / GO TO CONTENT


 Роки дзевецстоти...                                      
Керестурска школа державна, мадярска,
слово руске заглушує,
лєм Биндас - катехета
виру по руски толкує!

Дзешец роки Дюра Биндас,
Керестурцох по руски поучує,
обдарени дзеци до школох посила,
церкву обнавя, капеланню будує;
гоч забранєне - крачунскн пасторали,
на мацеринскей бешеди пририхтує...

Народ керестурски то почитує,
за труд, жертви и успих
капелана Биндаса наградзує.
Вазу з портретами преднякох
Закарпатя и Галичини йому дарує!

Не мировал дух Биндаса,
жила зоз нїм дїдовщина,
Горнїца и Україна!
Нє мирел ше з руску судьбу,
у Угорскей, цо ше стала,
и цо Бачку и Руснацох,
уж помали залапяла...

Война прешла - жиц требало!
Заря ясна ше зявела,
нова надїя, мой Руснаку,
при Руснацох, ше родзела!

"Пать о себе - будзе з тебе!"
апел Биндас висловюе
рускей Бачванско-сримскей
интелиґенциї
мешаца децембра, року 1918-го:
Треба руске дружтво створиц,
треба руске слово ожиц,
руски школи знова сновац,
руски скарб позаписовац,
новини руски видавац,
кнїжки руски друковац...

Апел ожил, народ пристал,
главна схадзка отримана...

"Я Русин был, єсм и буду",
руска гимна Магистратом загирмела!
Бачванско-сримскому Руснакови
ясна гвизда зашвицела!

Радосц велька у Беркасове,
Шиду, Бикичу, Дюрдьове,
Петровцох, Миклошевцох,
у Коцуре, Вербаше,
Бачинцох, Пишкуревцох,
Райовим Селу, Митровици,
Новим Садзе и Керестуре...
Стопейдзешат делегати
швидко новосц розглашели,
народ руски возбудзели
и препород наявели!

Руске народне просвитне дружтво
створене,
сни преднякох витворени,
напрями розвитку утвердзени:
язик мацерински,
школи руски,
кнїжки руски,
новини руски...

У каждим валалє дзе Руснаци,
филияли Просвити,
Читальнї и Доми руски,
руске слово, руска писня...

Вшадзи най будзе членох Просвити,
даровательох и добротвoрох!

Кажде кельо може тельо най да,
бо кажди динар добре ше зда!

Спознал Руснак свойо моци,
почувствовал же газда свой теди будзе,
кед ше рускей школи,
Просвити,
Церкви,
и надалєй твардо тримац будзе!

Рошнї, мой Руснаку,
шир ше и розквитай,
алє од держави нїзач нїч нє питай!

Держава Твой национални живот
потримала,
алє за ньго нїч нє дала!

Кед сцеш свойо руске мац,
Бачвански Руснаку,
сам ше мушиш остарац!

На чолє Дружтва Михайло Мудри,
парох керестурски,
подпредсидателє: отец Дюра Биндас,
панучитель Емилиян Ґубаш
визионере духа моцного,
цо цилї Дружтва у души мали,
цо народ руски напредок ведли
и драгу шветлу креировали!

Михал Поливка читанки списал
и руским дзецом такой даровал.
Руски календари Дюра Биндас рихтал.
Швидко и новини руски ожили,
филияли сновани,
жило ше з єдним новим полєтом,
новим животом цо рускосц чува,
цо рускосц краши,
"нашо дзеци, нашо буду,
своїх оцох нє забуду!"

 

XVIII
                                                      НА ЗМИСT / GO TO CONTENT


Роки трицети - штерацети,                                                       
роки сна и яви,
роки блуканьох,
намаганьох и резултатох,
власних моцох и нємоцох.

Руснак валалски,
керестурски и коцурски,
битку власну водзи,
єден ше змага и ґаздуе,
други рити обрабя и бидує.
Рит дальски,
рит борчайски,
рит панчевски,
рит жабельски,
то раї дзе чорт царує,
дзе Руснак бндни биду траци
дзе ше жем спека до каменя
дзе коров рошнє до нєба,
дзе ше вода и слунко
на джмурки бавя,
дзе радосц - вреск постава!

А Руснак, ей, мой Руснаку,
з надїю жнє и далєй,
врещи и модлї ше,
коши и житни снопи по води лапа,
по гаци марадики склада,
хижи знова будує,
и благодать очекує.

Швет мали знова за Руснака
идзе ше вшадзи, вшадзи пробує...
Канада єдним надїю дала,
Арґентина ю другим обецала,
Бразилия ю трецим цалком вжала!

Шветова криза и безроботносц
знїчтожую и виру и надїю,
бида и глад шветом панує,
Руснак у швеце - бидни, самує...

Кризу звладую роботни руки
швета цалого, та и руского!

У Америки и швеце явни роботи,
дзе ше на хлєб зарабя,
а у Краю робота нова настава,
Керестурцом и Коцурцом
конопа тераз роботи дава,
на слунку сушена,
на мразу мражена.

У Керестуре:
три ручни роботнїцки фабрики,
велї конопарнї газдовски,
чесарнї стотки!

Кажде обисце фабрика,
кажде дзешате єфтика!

и предзе ше, и снує,
и тка, и билї, и кача...
Цверни, платно, покровци
тарговцом - на пияцох, вашарох
и дома - предава!

Руски Керестур,
"двацец езром мац и глава",
угляд и приклад, мой Руснаку,
шицким постава,
бо за тото кажди Руснак,
з каждого валалу, кельо може,
тельо пенєжє дава...

Дом руски створени,
Друкарня купена,
Кооператива газдує,
хори торжествую...

Руски календари и кнїжки друкую,
Руски новини виходза,
Наша заградка зявює,
вше вецей руски дзеци школує...

Керестурски кирбаї славни постали,
дзецох зоз Бачкей, Сриму и Славониї
дзечнє витали...
Вше дацо значне було зрихтане,
з чим матка дзеци свойо витала,
угляд и приклад шицким давала!

У Сриме и Славониї
филияли Просвити ожнли,
алє руски школи нє вшадзи зажили!

Вшадзи ше Руснак свойого трима,
змага ше, роби, вредно ґаздуе,
Церкву и Просвиту щиро дарує.
Видзи моц свою - у моци рускей,
у єдносци - у моци керестурскей!


XIX
                                                         НА ЗМИСT / GO TO CONTENT



Роки тисяч дзевецсто штерацец 
перши - штерацец пияти.
Чарни хмари з гирменьом и бурю,
надвили ше над Бачку.
Блїскавки и громи
шнїг Шайкашкей на червено офарбели.

Тисом плївали цела крачунских
жертвох,
цекла крев жертвох вимсценя,
Крев и Твоїх синох, Руснаку.

Твоїм сином Бачванским на фронтох
Дону,
як и оцом и дїдом у Галицнї и на Пияви,
животи даремно скапали,
же би ше їх дїла, страхота войнох,
змарзанє, штурми,
занавше, на вични часи,
з тутейшого чловеческого паметаня,
як зраднїцки,
на вйки-виков, висцерали...

Твойо дзеци дома,
без власних школох,
а  же би остали свойо,
славянски места у школох,
другим славянским братом поохабяли,
а сами, у Ужгороду и Мукачеве,
свой дух крипели
и нови животни знаня здобували!

На три  заводи, мой Руснаку,
у двох шветових войнох
Твоя младосц подцата - скапала!
Перше за Ференц Йовшку и Карла,
вец Гортия и Гитлера
та Павелича и Тита...

Наймладша младосц страхоти
партизанского войованя спознала...
Принєсла шлєбоду,
фундаменти нови
на руїнох войни збудовала
и новей держави
за наиходзаци децениї
драгу трасировала.

А рокох пейдзешатах
шлєбода и за Тебе блїсла, Руснаку:
свою Руску матку,
свою гимназию,
свойо школи,
новини
и радио ши достал...
Синох своїх дома школовал!

Права худоба, мой Руснаку,
тота безжемна, наднїчарска,
аж тераз скапала!
Каждн селян, по души - гольт
аграрней жеми дома достал,
а котри нє,
тот з Керестура з дзвонами.
з нову надїю
под нєбо,
на поля сентянски,
на голу жем додзелєну
одсельовал.

Ту:
за себе, за свойо дзеци,
нови дом,
Школу,
Церкву,
нови руски валал збудовал!

Преславел ши, мой Руснаку,
Двасторочнїцу свoйoго живoта ту
у тим блаце Бачванским,  
велїчаюци себе и своіх нових панох
цо ци нову судьбу
и будучносц шветлу предвйдзовали!


XX                                                НА ЗМИСT / GO TO CONTENT


Роки тнсяч дзевецсто
пейдзешатперши -
пейдзешат пияти.
       
Шлебодни розвой - приноши плоди,
роки розквиту, гордосци, щесца...
Цеши ше Руснак у своїх дїлoх!
Брат зоз братами, братски возноши!
Новини чита - кнїжки привита,
забави рихта - кола танцує,
Поля обрабя - плоди даруe,
Шлєбоду вита - щесцу радує!

Витриска знова хмари нагнали,
над жему буря, громи, блїскавки,
панове Твойо розуми траца
Тебе, мой Руснаку,
кару, блаца и виноваца.
Нову вирносц од Твоіх "Преднякох"
у Бачки и Сриме знова гледаю.

Твойо "Предняци", мой Руснаку,
на тим витриску дньового гойсаня,
а власного дриманя,
своей Церкви рускей,
своїх Школох, Култури,
преси и радия ше "одрекали"
лєм же би ше "власци тримали".

"Згина ше Руснак на тим витриску,
по жем ше чеперки кланяю"...
Алє Дух руски гордо стої,
витриска му начкодзиц нє знаю!

Шпиванки ше далєй - шпиваю.
На свадзбох - гудаци граю,
церковни швета - преславяю...

У валалох Маткох,
у школох жиє мацеринске слово
жие и у Дюрдьове,
а индзей, чарни хмари рускосц завяли!

Пришли нови роки:
Роки гартушеня,
Роки обецункох,
Роки наздаваньох...

И нови роки гартованя!


XXI
                                                        
НА ЗМИСT / GO TO CONTENT


Рoки тисяч дзевецсто шейдзешат
пияти
и роки седемдзешати.
Европа велїм, мой Руснаку, дом
постала,
кед ше гранїци кус одхилєли.
Ти, Руснаку, Бачвански и Сримски,
медзи першима, на найчежши роботи
приставал,
же би ши, зоз свою виковну
роботносцу,
з дня на дзень,
з мешаца на мешац,
з рока на рок,
роботу важнєйшу доставал.

Перше ши - будователь бул,
карчми пораєл, авта умивал,
млєко прерабял, на польох робел,
же би ши, аж по вецей рокох,
фабрични рoботнїк постал,
и тельо, як и домашнї роботнїк,
заробиц могол и знал.

Велї цудзину зохабели,
Нємецку, Австрию, Швайцарску,
Француску и Шведску забули.

Велїм хороти здравє начали!
Велї трунн до Краю припутовали!
Велї, уж нєшка Нємци постали!
Велї, континент европски,
занавше, з Австралию зачерали!

У краю Твоїм, мой Руснаку,
слунко розбило чарни хмари.
Зашпивали дзеци по руски
у руских школох,
розквитла "Ружа червена"
нова писня, шпиванка творена,
тераз младеж Славониї, Бачки и Сриму
нова руска мелодня опива.

Госци зме були Карпатским братом,
браца нам сцигли з рускей Горнїци.
А дома кнїжки, театер, писня,
радио грає, грає и грає!

Швет у нас дома и ми у швеце,
у руским швеце, на руских жемох.
Браца нас братски,
до свойого дому волаю,
нашо досяги - дзечнє витаю!

Керестур Руснацом - центер постава!
Керестур рускей култури слава
штерацец езром, тераз є глава!
Дзецом Войводини, Горватскей,
Босни...
Розшатим дзецом швета широго,
на трох континентох розтраценого...

Ту Дом култури, ту Музей руски,
ту Галерня, ту Архив...
Ту Гнмназня руска настала
и руски дзеци з Бачкей, Сриму и
Славониї,
знова по руски учиц зволала!


XXII                               
НА ЗМИСT / GO TO CONTENT


Роки тисяч дзевецсто седемдзешат
перши - дзевецсто осемдзешати...
То роки ґаздовского поднїманя,
образовного и културного напредованя.

Овладал Руснак зоз чарну бразду,
златне жито - тони зродзи,
чардаки полни, статок расни,
млєко з валалох ширцом одходзи...

Трактори ору, превожа,
комбайни тлача, ламу,
слунечнїк комбайную,
цвиклу "цагаю",
елеватори чардаки полня,
Руснак лем шедзи и розказує,
хижи преправя, шопи будує,
штверци масци, одклада
и за музей руски приготовює!

Скапала вистата робота
Руснака, трапенїка.
Орача з коньми, косача, ламача,
орезовача слунечнїкових калапох
и вицаговача з виделками цвикли
цукровей...
Нєт плуги парачи и двоґачи,
брани, ролї и дерлячи,
сецери, шеячки, коси,
косачки, вязачки...

Трактори поля ору,
трактори гноя и шею,
превожа и вожа,
комбайни комбайную!

Нєстало радосци жатви,
хлебу новому, "Оче наш",
нєт шпиву тлачарского,
кед трешки тлачидбу закончую,
з венцами житнима и прикрасками,
на жатвову шветочносц,
до машинистох, на госцину приходза!

Сцигли часи нови,
кед заробку вше мало,
кед пенєж з поля и хлїва
уж напредок роздзелєни
за дом и газдовство,
за струю лєпшу,
за крупарню,
за меблї,
за билу технїку,
за телевизор,
за водовод валалски
за купальнї,
за валал власни
дражки бетонски,
драги асфалтни,
ярки, желєнїдло...
За нови трактори, прикочи,
власну механизацию,
шопи, хлїви, кармики,
путнїцкн авта, каравани, комбиї...

Меняю ше похопеня,
преправяю ше и хижни будинки,
нови будую,
меня ше способ живота
у домох и валалох.

Робота землєдїлска усовершена,
и хасен вельки приноши
Керестурци - папригаре,
Коцурци - нашеньчкаре,
Дюрдьовчанє - ґереґаре,
Бачинчанє - капустаре,
Бикичанє - млєчаре,
Миклошевчанє - кукурицаре и
статкаре,
Петровчанє - буячкаре!

Керестур,
образовни и културни центер настава
Унапрямена штредня школа,
Педаґоґийна академия
нових руских учительох нам дала!

Дом култури - руска слава,
Фестивал култури - гордосц права.
Младосц руска швето вита,
младосц руска ту розквита!

Руски театер, Драмски мемориял
драмска творчосц - барз розвита!

Нова школа збудована -
руска слава очувана!

Руски кнїжкн, учебнїки, руски писнї...
Фолклор власни, традиция...
Ту нам уж и руска телевизия...

Живот - цо го младеж жиє,
учи, твори и пестує,
перспектива наша красша,
бо го ноши младосц наша!


XXIII                                       
     НА ЗМИСT / GO TO CONTENT


Роки дзевецсто осемдзешат перши -
дзевецсто дзеведзешати.
То роки Газдовского, културного
и духовного напредованя -
препородзованя!
Бачвански Руснаци, мой Руснаку,
вилезли з блата,
одлєзли после двасто штерацец рокох,
до котрого им залезла и душа и цело
року гевтого 1745,-го,
кед мочар керестурски,
и року гевтого 1763,-го,
кед долїни коцурски
за доми свойо достали у Южней
Угорскей.

3 блата вилєзли на драги асфалтни,
з поглядами надвладали власни
спознаня,
з дїлами судьбу свою меняли,
знаня здобули - з моцу овладали!

Стали своїма панами - ґаздами,
ґаздами у бразди и фабрики,
бразди - без мотики,
фабрики - автоматики!

Жем труд наградзовала,
гибрида, сорти, файти,
гної, гербициди, пестициди,
машини, технолоґия,
то спокуси - цо их Руснак
успишно звладуе...
Гоч жеми мало ма,
штреднє анї ферталь сесиї,
робни продукователь постава,
предава жито, месо и млєко,
добре зарабя и напредни землєдїлец,
достоїнствено и гордо по нєшка остава.

Керестур агро комбинат,
хладзальня, фарма, рибнїк,
кажде обисце - мала фабрика...
Коцур - мали фарми прашатох,
роби нашеньскей, цирку, слунечнїку...

Валали-матки - центри руски,
Керестур и Коцур,
стримано, цихо и гордо
ше медзи собу змагаю,
школи, парохї, капеланиї,
манастири, квартельни будинки,
тарговини и пияци будую и
преушорюю.

Валали ше ширя, хижи будую,
намесцени и збудовани доми
поставаю власни "палати",
стандарду городского,
а раю валалского,
миру и спокою,
птицох цо шпиваю,
псох, цо ноцами,
пре цихосц забрехац знаю...

"Червена ружа" - пахнє у Керестуре,
"Жатва" - розвешелює у Коцуре,
"Дзвон" - дзвонї у Петровцох,
розквита творчосц руска:
шпиванки народни, дзецински, забавни,
нови композициї, танци, хореографиї,
вишивки, малюнки, скулптури...


Рошнє и квитнє руска култура,
просвитни дружтва активни вшадзи,
вшадзи ше учи мацеринске слово,
друкую кнїжки,
часописи: Шветлосц, Мак, Заградка,
учебнїки, читанки, лектира:
Пушкин, Толстой, Шекспир,
по руски чита...
Висти, информациї, репортажи,
по руски слуха и патри...
Творя поети и писателє...

И, вец, знова, хмари и витри,
цо двойнoсц родза - два погляди:
єдни цо Украєнцох за братох тримаю,
цо рускосц швету дарую,
цо красу нашу репрезентую,
цо шветом глаша нашо успихи
цо братох своїх у швеце маю...
Други цо "Руске руснацство"
и окремносц велїчаю,
швет "Руснацства воскресаю"...

Двоме браца - два погляди!
Два гвизди на нашим нєбе,
перша - сторочями швици,
друга - тераз блїсла!
Хторим шлїдом далєй?
Чи тамаль дзе розум водзи?
Чи тамаль дзе "шерцо" бродзи?

Предки нас, мой Бачвански Руснаку,
свойо любиц учели
и нє одрекац ше матки-мацери!

 
XXIV                                 
                 НА ЗМИСT / GO TO CONTENT


Роки тисячу дзевецсто дзеведзешат
перши - дзеведзешат пияти.
Знова роки страданьох,
клятвох и нариканьох...

То роки сотони и його царства,
преврацанє шицкого наспак,
траценя свидомосци о правдивей
вредносци,
фалшивнх наздаваньох,
препасци людских вредносцох,
тих цо их Ти, мой Руснаку Бачвански,
сторочями пильновал,
чесц, роботносц, побожносц...

То часи кед людзе гладую,
нє веря сном у яви,
процивя ше стварносци,
дудня авиони,
жем ше треше од детонацийох!

Петровци, Миклошевци, Вуковар
на двойнє розпяти - двом боком
виновати!
Виновати пре дошлїдне триманє,
пре виру руску, "католїцку",
пре хижи красни, богати...

Шицки святинї - нараз прецати!
Шицки вредносци - нараз одняти!
Зли духи крайом стали пановац,
зли духи рай свой организовац!

Мацером-матком - млєко засхло,
оцове мундир знова достали,
штреляц мушели на власних братох
и шестри свойо у билих кабатох!

Знова боль - знова клятви!
Знова штурм - знова труни!

Рок тисячу дзевецсто дзеведзешат пияти
то рок ювилея велкого,
двасто пейдзешат рочного пребуваня
Руснацох у родней Бачки!
Ювнлєй обєдинєл шицки нашо моци,
кажде место го з гордосцу витало,
Служби Божи, забави, концерти,
академиї и спортски змаганя...

Главна преслава Керестурска

торжествено отримана.
Указала госцом, мой Руснаку,
же знаш любиц - свойо и цудзе,
же знаш ценїц - завит предкох,
же ше тримаш - традицийох,
и же крашиш - край родзени!


XXV                                                          НА ЗМИСT / GO TO CONTENT


ДВАСТО ПЕЙДЗЕШАТ РОКИ

П Р Е Ш Л И


Двасто пейдзешат роки прешли 
знай, мой Руснаку,
же ши ше зоз Горнїци
до бачванскей жеми укоренєл
и ширцом швета
оталь розшал...

Мочар и вода Ци живот давали,
надїї стваряли,
радосц приношели,
препасц нагадовали
грожели, грожели,
а, боме, Ци,
животи брали.

Возкресал ши по катаклизмох,
множел ше и розшевал
як зарно зоз житней класки
цо го лєтнє слунко жиц вола
кед го косач зоз косу
на час нє скоши.

Вирастал ши, з гoрдосцу
упатрени до нєба,
на свою Церкву,
керестурску и коцурску,
ослуховал ши дзвонєнє дзвонох,
робел од пацерох по пацери.
У души Ци и керепадла керепкали,
чувствовал ши смак капусней юхи,
риби печеней у ризкаши,
шунки и сирца
и меса печеного, кирбайского,
и вина брестовского и ярашского...

Одгуковало Ци шпиванє хорох
на коврушу у Велькей Служби
Вельконоцней и Кирбайскей,
а ослуховал ши и дзецински гласи
кед Ци коляди под облаками шпнвали...


Ти, мой Руснаку,
Керестурски и Коцурски,
жили свойо у жеми змервйовал,
родзинство преширйовал,
з пажицох родни поля стварял,
жеми ше тримал,
руску бешеду розвивал,
школи свойо чувал,
свадзби руски отримовал...

Оставал ши таки
поколенями - генерациями.
Двасто пейдзешат генерациї ше
народзели,

дванац поколєня
за собу потомство зохабели, <>
дзеци прадїдох паметали,

дїдове унукох поучовали:
- Любце род свой,
нє ганьбце ше и нє одрекайце
бешеди своєй мацеринскей
и вири своєй рускей,
родичох своїх
и народу свойого!

Знай, сину мой, Руснаку,
Твоя душа нє за поданїка
на швет родзена, алє за чловека,
достоїнственого и гордогo,
цо з роботу и чесносцу,
праведни швет будує
и у тим швеце,
свойо чесне место
виградзує!

Таки швет ши
двасто пейдзешат роки стварял,
и уж кед ши го створел
сотона знова танцовац почал
на тебе мундир знова надзали
штреляц ши мушел на власних братох!


Знова Це судьба клєчац нагнала
знова Ци судьба мира нє дала,
знова ши зайду на хрибет хвацел,
до швета рушел,
надїю под цудзим нєбом глєдац!

Таки ши, мой Руснаку,
Ти, родзени у бразди,
зроснути зоз жему,
одховани на прадкох
и просвитних дружтвох,
своїх школох,
на традицийох...

Дзеци дзепоєдни Твойо
цо шветом одходзели
и гинто панове постали,
котри "красоти швета

цудзого спознали",
цо поклєкли и заблукали -
тоти и одблукали!

Одрекли ше и одродзели,
на млєко мацеринске забули,
руску бешеду занягали,
свойого роду ше одрекли,
цудзинцами постали!

Двасто пейдзешат роки
Керестур руским Керестуром остал,
остал и Коцур руски,
и Дюрдьов, и Вербас,
и Кула, и Шид, и Бачинци,
и Беркасово, и Бикич,
и Петровци, и Миклошевци,
и Райово Селo и Нове Орахово,
и Сримска Митровица и Нови Сад...

Таки и надалей останю,
з руску Службу Божу,
саночним,
кирбаями,
забавами,
руским словом и шпиванку...
Вше дотля
док Дунай чече своїм цеком,
бегель керестурски и коцурски
поля з воду напаваю,
слунко швици, нєбо белаве
и гвизди з нєба ше на
Керестур и Коцур
припатраю!